Shpat Deda & Friends

Open Air Tribute Series: Coldplay (Tirana)

Pas një nate tërësisht sold out në Prishtinë, Shpat Deda & Friends | Open Air Tribute Series vazhdon rrugëtimin në Tiranë. Të premten me 11 shtator, në Tunèl Terrace, seria sjell një mbrëmje të dedikuar muzikës së Coldplay - një koncert live nën qiell të hapur, i ndërtuar rreth këngëve që kanë shënuar më shumë se dy dekada dhe që vazhdojnë të krijojnë të njëjtin emocion sa herë dëgjohen. Nga Yellow, The Scientist dhe Clocks, te In My Place, Sparks, Trouble dhe shumë këngë të tjera, repertori rikthehet në skenë përmes një formacioni live me fokus te atmosfera, dinamika dhe emocionet që e kanë bërë muzikën e Coldplay kaq të veçantë për publikun në mbarë botën. Edicioni i Prishtinës u shndërrua në një nga netët më të bukura të verës. Tani këtë eksperiencë po e sjellim edhe në Tiranë, në një hapësirë që i përshtatet pikërisht frymës së Open Air Tribute Series - me muzikë live, atmosferë verore dhe këngë që këndohen njëzëri bashkë.

Këngët